عزيزة بنت إبليس صاحبة اشهر جر*يمة في الاسكندريه القصه كامله
الست اللي أنتو شايفينها دي اسمها عزيزة، ولكنها عملت شوية حاجات خلت الناس يسموها عزيزةبنت إبليس، الجريمة دي، رغم إنها حصلت في الثمانينات، وإنتهت حكايتها.إلا إنها في 2012، شغلت الرءي العام مرة تانية، والناس كلها اتكلمت عنها. تعالوا نعرف إيه حصل في إسكندرية سنة 83
يلا بينا نبدأ في الثمانينات، وبالتحديد في إسكندرية، كان فيه بنت اسمها عزيزة وعزيزة كانت عايشة في منطقة من مناطق إسكندرية.عزيزة لما وصلت لسن 17 أهلها جوزوها من شاب اسمه سعيد سعيد. جوزها كان شخص عصبي وبيعاملها معاملة وحشة جدا. ض,,رب وإهانة والجو ده، والمشكلة هنا إن عدت سنة وإتنين وتلاتة وعزيزة ما خلفتش ولا حتى حملت ولا مرة، فعزيزة قالت لأ، كده فيه حاجة غلط، أما أروح عند دكتور وأكشف وأشوف ليه مش بيحصل حمل، ولما راحت عند الدكتور اكتشفت للأسف إنها ما بتخلفش ولا حتى هينفع تحمل ولا تخلف، مهما حصل، من الآخر كده عندها عقم، ومن هنا.سعيد جوزها لما عرف الخبر ده بدأ يعاملها معاملة قاسية جدا، ده حتى إن أهل جوزها بقوا يعايروها وطبعا كل ده تعبها نفسيا، وإللي زاد وغطى إن جوزها قال لها أنا مش هينفع أستمر مع واحدة بالشكل ده، وراح جاي للأسف.
مطلقها، وبعد ما تطلقت بفترة اتجوزت من شخص تاني من نفس المنطقة إللي هي فيها، والمشكلة هنا إن أهل طليقها لسه بيعايروها ويلقحوا عليها في الريحة وفي الجاية، فعزيزة قالت لنفسها ساعتها أنا عاوزة أنتقم من أي حد بيلقح عليا وح,,رق دموا وأعرفهم إن مفيش فيا عيب. وهنا بس فكرت عزيزة في فكرة شيطانية جدا، طب عملت إيه؟
ركزوا كويس في إللي جاي سنة 1983. عزيزة بدأت توهم أهل طالقها وجيرانها إنها حامل وكل ده طبعا كان بالاتفاق مع جوزها وأخت جوزها. طب إزاي؟بدأت في الأول إنها تحط هدوم على بطنها تحت العباية علشان تبين يعني إن بطنها بتكبر، كانت كل شهر والتاني تزود شوية هدوم على بطنها علشان تبين إن بطنها بتكبر واحدة واحدة وإن ده حمل طبيعي، وعدت الأيام والشهور لحد ما وصلت للشهر التاسع وإنها المفروض خلاص هتولد، طب دلوقتي كل ده كذبة؟ هتجيب بقى طفل منين؟ في نص الشهر التاسع الساعة 10:00 بالليل بدأت عزيزة إنها تصرخ على آخرها جوه شقتها ولما الناس اتلمت على صوتها أخت جوزها قالت للناس ما تقلقوش دي عزيزة بتولد عقبال عندكم وكانوا قبلها متفقين مع الداية بتاعة المنطقة علشان يعني تيجي تولدها في مقابل قرشين حلوين والناس إللي ما تعرفش داية يعني إيه؟ دي الست إللي كانت زمان بتيجي تولد الناس في البيوت.
المهم. طيب برضو فين الطفل إيه؟ الساعة 12:00 بعد نص الليل راحت عزيزة لمستشفى الشاطبي في إسكندرية، وقتها المستشفى دي كانت إمكانياتها ضعيفة، وكانت كل الناس إللي بتدخلها من الطبقة الفقيرة عزيزة، وقتها تنكرت ولبست لبس ممرضة أكنها يعني شغالة في المستشفى دخلت غرفة كانت فيها ست. لسه والدة وراحت جاية واخدة الطفل من إيد أمه بحجة يعني إنها تفحصه وتطمن عليه وأخدته منها من هنا وهربت بيه من هنا.
فص ملح وداب من المستشفى، وقبل الفجر بوقت بسيط. والدنيا هادية خالص.عزيزة دخلت البيت ومعاها الطفل دلوقتي. طبعا في نظر الناس عزيزة بقت أم وكانت عادي. بس طبعا كل ده لحد هنا عادي لإن الثقيل جاي قدام تاني يوم الولادة. جوزها أخدها عند الحكومة وراحوا يسجلوا الطفل باسمهم. وفعلا ده حصل وسموا الطفل إسلام والموضوع ما اتكشفش وعدى وعزيزة خلاص بقت تتعامل قدام الناس. عادي إنها بقت أم والدنيا مشيت لحد ما إسلام بقى عمره تلات سنين.وهنا بدأت الناس مرة تانية يلقحوا عليها ويقولوا لها إيه يا عزيزة. مش عاوزة تخوي الواد ولة إيه؟ ما تجيبي يختي الواد أخ ولا أخت. طب دلوقتي عزيزة عاوزة تسكت الناس مرة تانية.وهي أصلا عقيمة. ما بتخلفش. عملت نفس السين,,اريو إللي عملته في المرة الأولى بالظبط. هدوم على بطنها وتوهم الناس إنها حامل. وهكذا لحد ما مرت شهور الحمل وجه وقت الولادة. وبرضو قررت عزيزة.إنها تخطف مرة تانية. بس المرة دي كان فيه شوية اختلافات عزيزة، ما راحتش المستشفى زي المرة الأولى، لأ، المرة دي راحت السوق وفضلت تلف عشان تشوف ضحية جديدة ومن حسن حظها وهي بتلف في السوق شافت ست ومعاها طفل صغير بدأت عزيزة أنها تفتح كلام مع الست دي وتقولها انا شغالة في الشؤون الاجتماعية وان اقدر اساعدك في فلوس أو اي حاجة عزيزة كانت فعلا ذكية جدا وعرفت تقنعها بالكلام دا وفي وسط الكلام عرفت طريق بيتها وعرفت كمان جوزها شغال أية وبيروح الشغل أمتي وبيرجع أمتي وحصل
صلي على الحبيب
لا تنسى الصلاة على النبي
باقي القصة كامله في اول تعليق
